Nas últimas semanas vimos ollando estupefactos o caos procedimental e lexislativo despregado pola actual administración galega en todo aquelo que teña que ver co territorio, coa súa (des)ordenación e coa xerarquización do corpus lexislativo e normativo nun asunto fundamental e de difícil volta atrás como é definir e regulamentar os usos, prohibicións (si, señor Hernández e Feijoo, a xestión do territorio non se reduce a “ordenar” senón tamén hai que prohibir se queremos salvar o pouco que queda) e autorizacións do conxunto do territorio.Velaí o eixo básico dun concepto do territorio ollado dende a sustentabilidade: o conxunto, a transversalidade e a ollada global sobre o mesmo, do amplo ao concretoMáis as administracións, e a Xunta actual semella unha alumna avantaxada, adoitan invertir esta dinámica e formulan a ordenación do territorio do concreto ao global, adaptando sucesivamente as leis de rango maior aos planos sectoriais de rango normativo aprobados en primeiro lugar. Read the rest of this entry »

Sin categoria | No Comments »

“Claves del ecologismo social” é un libro útil para se achegar á interpretación da realidade e ás propostas do ecoloxismo social. Un libro colectivo con máis de 30 autores e autoras  -Jorge Riechmann, Carlos Taibo, Iñaki Bárcena, Marta Pascual, Yayo Herrero,….- no que se abordan cuestións como o decrecemento, as alteracións climáticas, a biodiversidade, a soberanía alimentar,…  “Claves del ecologismo social” é, despois de “Contrapublicidad”, a segunda referencia de Libros en Acción, o proxecto editorial de Ecologistas en Acción.

O ecoloxismo social pretende colaborar “no impulso dunha mudanza de modelo que permita axustar os procesos económicos humanos aos límites biofísicos, aos tempos de rexeneración e ás dinámicas dos ecosistemas, con criterios de equidade, de tal xeito que a redistribución e repartición igualitaria da riqueza ocupe un lugar central na política e a economía”.

Máis información

Ecoloxismo | No Comments »

A visión dominante acha que o crecemento é inherente á economía, esquecendo que na natureza o crecemento acontece só até atinxir a madurez. Un hamster, por exemplo, duplica o seu peso cada semana entre o nacemento e a puberdade. Se medrase a este ritmo até cumprir o seu primeiro ano, chegaría a pesar nove mil millóns de toneladas. O crecemento económico está transgredindo os límites ambientais. “Growth isn’t Possible”  é  unha publicación da nef (new economics foundation) e do Schumacher College sobre a imposibilidade  do crecemento económico indefinido no contexto da mudanza climática e a crise enerxética.

Sustentabilidade | 1 Comment »

A mudanza climática é unha innegábel realidade cada vez máis patente, cuxos efectos están comezando a  sentirse en todo o planeta. Non sempre se ten presente, como si indican os datos, que no centro do escenario está o sistema agroalimentario. A publicación “Cocinando el planeta. Hechos, cifras y propuestas sobre cambio climático y sistema alimentario global”  pretende deitar luz sobre a achega á crise climática do sistema alimentario global.

Agricultura, Mudanza climática | No Comments »

O ano 2010 foi declarado polas Nacións Unidas coma Ano Internacional da Diversidade Biolóxica.  “A biodiversidade é a vida, a biodiversidade é a nosa vida” é o lema escollido. A confederación estatal  Ecologistas en Acción vén de presentar un blog  específico sobre todo o relacionado coa biodiversidade que recollerá información e facilitará a participación desde as redes sociais.

Biodiversidade | No Comments »

Non era preciso xuntar a 122 Xefes de Estado e de Goberno nunha conferencia das Nacións Unidas  para lograr un acordo tan ridículo como o de Copenhague. Abondaba con que os “elixidos”, con EUA á cabeza, organizasen unha xuntanza e envíasen o acordo ao resto por correo electrónico para que o aceptasen ou o rexeitasen.  Polo menos, teríamos aforrado algúns miles de toneladas de emisións de dióxido de carbono (CO₂).

Read the rest of this entry »

Mudanza climática | No Comments »

Desde hai polo menos 20 anos non faltan razóns sólidas para tomarse moi en serio a mudanza climática, unha das caras, xunto co cénit do petróleo, da crise enerxética global.  O problema xa está aquí, golpeando primeiro e máis forte ás xentes máis desfavorecidas. Porén, os impactos actuais serán pouca cousa en comparación cos futuros se superamos o limiar dunha mudanza climática “moi perigosa”, o que acontecería se non invertemos antes de 2020 a tendencia de aumento das emisións mundiais de dióxido de carbono (CO₂) e outros gases de invernadoiro. É o primeiro paso necesario para prevenirmos unha mudanza climática catastrófica.

Read the rest of this entry »

Mudanza climática | No Comments »

Pequeno vídeo realizado para a presentación da revista sobre a serra do Suído editada pola Federación Ecoloxista Galega (FEG) e a Asemblea do Suído  (e que se pode baixar aquí).

Suído from Fernando Lema on Vimeo.

Biodiversidade | No Comments »

Segundo unha nota de prensa divulgada pola Universidade de Santiago (USC), un grupo de investigación desta universidade, dirixido polo catedrático de Edafoloxía Francisco Díaz-Fierros, está a estudar en Mesón do Vento (Ordes, A Coruña) o impacto dos eucaliptos sobre a auga ao longo dun turno de corta de 15 anos. O coordenador da investigación, que aínda non concluiu, avanzou que se están a constatar efectos negativos importantes durante a época estival.  O profesor Díaz-Fierros sinala que “se se observan os datos a escala global do ano non se aprecian estes efectos,  xa que no inverno, ao chover tanto, sobra auga; pero durante o verán nótase  moito a influencia negativa, de tal forma que máis dun ano chegouse a secar  o río”.

 Este estudo semella reforzar a afirmación -fundamentada noutras investigacións e nas observacións de labregos ou de naturalistas- que facíamos no artigo O impacto ambiental dos eucaliptais en Galiza, publicado no número 4 de Cos Pés na Terra, de que “mesmo naquelas zonas con elevadas precipitacións no conxunto do ano, as plantacións de eucalipto poden incidir negativamente sobre a dispoñibilidade de auga durante os períodos secos.Hai que ter en conta que estes períodos, coa mudanza climática en curso, poderían ser máis duradoiros no futuro”.

Monte | No Comments »

O xornal Público distribúe coa súa edición do sábado 31 de outubro o libro “Pacifismo, ecologismo y política alternativa”, de Manuel Sacristán, sobre quen publicamos na revista Cos Pés na Terra un artigo de Alexandre Cendón: “Manuel Sacristán Luzón: o camiño do marxismo ao ecoloxismo”. Un dos discípulos de Sacristán, Francisco Fernández Buey, en “El inmenso legado de un gran pensador”, escribe que o filósofo marxista deixounos unha  obra densa e sólida mais non moi extensa;”unha obra que parecerá exigua a todos aqueles que a comparen co que foi a súa actividade e a súa presenza na cultura española durante trinta anos”. “Pacifismo, ecologismo y política alternativa” é o quinto volume compilatorio de pequenos escritos, publicado en 1987, xa despois da súa morte. Reúne as súas derradeiras intervencións, moitas delas escritas para a revista mientras tanto, que contribuiu a fundar. Segundo Fernández Buey, neste libro “está a orixe do que despois se chamaría ecosocialismo e tamén doutras propostas sociopolíticas vencelladas aos movementos sociais novos”.

Ecoloxismo | No Comments »